AA Поделиться

قصة كلام الناس

ﺍﻧﺎ ﻣﺤﻤﺪ 38 ﺳﻨﺔ ﻟﻴﻮﻡ ﺷﻔﺖ ﻫﺒﺔ ﻣﻊ ﻭﻟﺪﻫﺎ ﻭﺗﻔﻜﺮﺕ ﻛﻞ ﺷﻲ لي داز هادي سنين بيني وبينها ونعود ليكم كيفاش كنت نبغيها
ﻣﺤﻤﺪ.. ﻫﺒﺔ ﺑﻨﺖ ﺍﻟﺠﻴﺮﺍﻥ .ﺻﺒﺎﺡ ﺍﻟﺨﺒﺮ ﻫﺒﺔ
ﻫﺒﺔ.. ﺻﺒﺎﺡ ﻧﻮﺭ ﺧﻮﻳﺎ ﻣﺤﻤﺪ
ﻫﺒﺔ ﻛﺎﻧﺖ ﺑﻨﺖ زوينة ﺑﺰﺍﻑ ﻇﺮﻳﻒة ﺣﻨﻴﻨﺔ ﻭﺣﺸﻮﻣﻴﺔ ﻛﺘﻘﺮﺍ ﻓﻲ ﺍﻟﺒﺎﻙ .ﻭﺩﺍﺭﻫﻢ ﻧﺎﺱ ﻣﺰﻳﺎﻧﻴﻦ ﺑﺰﺍﻑ ﻛﻞ ﻳﻮﻡ ﻛﻨﻬﺒﻂ ﻣﻊ 7 ﻛﻨﺪﻳﺮ سبة بﺴﻴﺎﺭﺗﻲ ﺑﺎﺷﻲ ﻧﺰﻝ ﻣﻊ ﻫﺒﺔ ﻗﺪ ﻗﺪ ﻫﻲ ﻛﺘﻜﻮﻥ ﻏﺎﺩﺍ ﺍﻟﻤﺪﺭﺳﺔ ﻭﻟﻔﺖ ﻧﺸﻮﻓﻬﺎ ﻛﻞ ﺻﺒﺎﺡ ﺣﺘﺎ ﻫﻲ .ﻋﻤﺮﻫﺎ ﻡ ﻛﺎﻧﺖ ﻛﺘﻜﺜﺮ ﻣﻌﺎﻳﺎ ﺍﻟهضرة ﻏﻴﺮ ﺳﻼ‌ﻡ ﺻﺎﻓﻲ ﻭﺍﻧﺎ ﻛﻨﺤﺎﻭﻝ ﻧﻌﺒﺮ ﻟﻴﻬﺎ ﺍﻧﻲ ﻣﻌﺠﺐ ﺑﻴﻬﺎ ﻏﻴﺮ ﺑﻨﻈﺮﺍﺗﻲ واحد ﺍﻟﺼﺒﺎﺡ ﻳﻼ‌ﻩ ﻫﺒﻂ بغيت ﻧﺪﻳﻤﺎﺭ ﻃﻮﻧﻮﺑﻴﻞ ﻭﻫﻲ ﻛﺎﻧﺖ ﺗﻄﻞ ﻣﻦ ﺍﻟشرجم ﺍﻭﻝ ﻣﺮﺓ ﻛﻨﺸﻮﻓﻬﺎ ﻃﻠﻘﺎ ﺷﻌﺮﻫﺎ ﻋﻨﺪ ﺑﺎﻟﻬﺎ ﻣﻜﻴﻦ ﺣﺪ ﻟﺤﻘﺎﺵ ﻛﺎﻧﺖ ﻣع 6 ﺩﻳﺎﻝ ﺍﻟﺼﺒﺢ ﻭﻛﺎﻧﺖ ﺳﺎﻫﻴﺎ ﺍﻧﺎ ﺑﻘﻴﺖ ﻭﺍﻗﻒ ﺣﺘﻰ ﺷﻮﻓﺖ ﻓﻴﻬﺎ ﻣﺰﻳان ومسخيتش نحيد ﻋﻴﻦي منها ﺷﻮﻳﺔ قلت مع ﺭﺍﺳﻲ ﻟﻔﺖ ﺍﻻ‌ﻧﺘﺒﺎه ًديالها ﻭﻧﺎ ﻧﺨﺪﻡ ﺍﻟﺴﻴﺎﺭﺓ ﻭﻫﻲ ﺗﻠﻔﺖ وشفتني ﺩﺧﻼ‌ﺕ ﻭﻣﺒﻘﻴﺘﺶ ﺷﻔﺘﻬﺎ ﻧﻬﺎﺭ ﻛلوا ﺷﻮﻳﺎ ﺑﺸﻮﻳﺎ ﺣﺴﻴﺖ ﺑﻴﻬﺎ ﺣﺘﺎ ﻫﻲ ﻣﻌﺠﺒﺐة بيا ﺑﻘﻴﻨﺎ ﻛﻨﺘﻜﻠﻢ ﻏﻴﺮ ﺑﻌﻴﻨﻴﻦ ﻣﺪﺓ 2 ﺳﻨﺘﻴﻦ ﻛﻞ ﺻﺒﺎﺡ ﻫﻲ ﻛﺘﺤﻞ ﺍﻟﺴﺮﺟﻢ ﺑﺎﺵ ﺗﺸﻮﻓﻨﻲ ﻭﻛﺎﻧﺖ ﺑﻌﺾ ﺍﻟﻤﺮﺍﺕ ﻛﺘﻐﻴﺐ ﻭ ﺍﻟﻠﻪ ﻛﻨﺖ ﻛﻨﺤﺲ ﺑﻘﻠﺒﻲ ﻛﻴﺘﻘﻄﻊ حيت ما شفتهاش


ﺍﻟﻤﻬﻢ ﺍﻧﺎ فيا دفو وهو ﻛﻨﺸﺮﺏ ﻭﻛﻨﻔﺴﺪ ﺍﻧﺎ ﺍﻟﺤﻤﺪ ﻟﻠﻪ ﻣﻴﺴﻮﺭ ﺍﻟﺤﺎﻝ ﻣﻬﻢ ﺑﻘﻴﺖ ﻛﻞ ﻧﻬﺎﺭﻛﻨﺤﺎﻭﻝ ﻧﺎﺧﺪ ﺭﻗﻢ ﻫﺒﺔ ﻭلكن بلا فايدة وبغاتش تعطيه ليا واحد الليلة جات عندي ختي مريم
ﻣﺮﻳﻢ.. ﻣﺤﻤﺪ ﻣﺤﻤﺪ ﻋطني ﺗﻠﻴﻔﻮﻧﻚ ندير ﻭﺍﺣﺪ ﺍﻟﻤﻜﺎﻟﻤﺔ
ﻣﺤﻤﺪ.ﻟﻤﻦ
ﻣﺮﻳﻢ.. ﻏﻴﺮ ﻟﻬﺒﺔ ﺑﻨﺖ ﺟﻴﺮﺍﻥ ﻣﻘﺪﺭﺗﺶ ﻧﻤﺸﻲ ﻋﻨﺪﻫﺎ ﻟﻴﻞ ﻫﺬﺍ
ﻣﺤﻤﺪ.. ﻭﺍﺥ ﻫﺎﻛﻲ ﺍﻧﺎ ﺑﻐﻴﺖ نطيﺮ ﺑﺎﻟﻔﺮﺡ ﻫﺒﺔ ﻭ ﻣﺮﻳﻢ ﺍﺧﺘﻲ ﻛﺎﻧﻮ ﺻﺎﺣﺒﺎﺕ ﻫﺒﺔ ﺩﺍﺭﻧﺎ ﻛﻠﻬﻢ ﻋﺰﻳﺰﺍ ﻋﻠﻴﻬﻢ.
ﻣﺤﻤﺪ ... ﻣﺮﻳﻢ ﺇﻟﻰ ﺳﻠﻴﺖي ﻋطيني ﺗﻠﻔﻮﻥ ﺑﻐﻴﺖ ﻧﺨﺮﺝ..
ﻣﺮﻳﻢ.. ﻭﺍﺥ ﻗﻄﻌات ﻭﺟﺎﺑﺘﻮﺍ ﻟﻲ
ﺃﻧﺎ ﻏﻴﺮ ﺧﺮﺟﺖ ﻗﻠﺒﺖ ﺍﻟﺘﻠﻔﻮﻥ ﺧﻔﺖ ﻣﺮﻳﻢ ﺗﻜﻮﻥ ﻣﺤﺘﺎﺕ ﺍﻟﺮﻗﻢ ﺩﻳﺎل هبة المهم ممسحتهاش‌
ﺻﺎﻓﻲ ﻗﻠﺖ ﺑﻼ‌ ﻣﻨﺘﺼﻞ ﺩﺍﺑﺎ ﻣﻨﻌيقش عليها ﻣﺸﻴﺖ ﺧﺮﺟﺖ ﻛﻴﻒ ﺍﻟﻌﺎﺩﺓ ﺍﻟﺴﻬﺮ ﻭﺍﻟﺒﻨﺎﺕ ﻭﺷﺮﺍﺏ ﻟﻜﻦ ﻭ ﺍﻟﻠﻪ ﻫﺒﺔ ﻛﺘﺒﺎﻥ ﻟيا غير هي بين عنيا ﺻﺎﻓﻲ ﺭﺟﻌﺖ ﺍﻟﺪﺍﺭ ﺣﺘﻰ 4 ﺻﺒﺎﺡ ﻛﻴﺒﺎﻟﻲ ﺿﻮ ﺷﺎﻋﻞ ﻓﻲ ﺑﻴﺖ ﻫﺒﺔ ﻭ ﺍﻧﺎ نقول أش كﺗﻌﻤﻞ ﻓﻲ ﻫﺬﺍ ﺍﻟﻮﻗﺖ ﻭﺍﻧﺎ ﻳﻘﻮل مع ﺭﺍﺳﻲ نصﻮني ﻟﻴﻬﺎ نسﻤﻊ ﻏﻴﺮ ﺻﻮﺗﻬﺎ ﺩﺍﻛﺸﻲ ﻟﻲ ﺩﺭﺕ ﺻﻮﻧﻴﺖ ﺍﻟﻤﺮﺓ ﺍﻷ‌ﻭﻟﻰ ﻣﺠﻮﺑﺎﺗﺶ ﻭ ﻭﻋﻮﺩﺕ ﺻﻮﻧﻴﺖ ﺟﻮﺑﺎت
ﻫﺒﺔ...ﺍﻟﺴﻼ‌ﻡ ﻋﻠﻴﻜﻢ. . ﺍﻟﺴﻼ‌ﻡ ﻋﻠﻴﻜﻢ
ﺍﻧﺎ ﺑﻐﻴﺖ ﻏﻴﺮ ﻧﺴﻤﻊ ﺻﻮﺗﻬﺎ ﺻﺎﻓﻲ ﺷﻮﻳﺔ ﺧﺮﺟﺖ ﻣﻦ ﺳﻴﺎﺭﺗﻲ ﻭﺩﺧﻠﺖ ﺍﻟﺪﺍﺭ ﻭﺍﻧﺎ ﻣﻘﺮﺭ ﺍﻧﻲ ﻏﺪﺍ ﻧﺘﺎﺻﻞ ﺑﻴﻬﺎ


فصباح ﻓﻘﺖ ﺩﻭشﺕ ﻭﺑﺪﻟﺖ ﺣﻮاﻳﺠﻲ ﻭﺧﺮﺟﺖ ﻭﺍﻧﺎ ﻧﺸﻮﻑ ﻫﺒﺔ ﻭﺍﻗﻒ ﻗﺪﺍﻡ ﺑﺎﺑﻬﻢ ﻫﻲ ﻛﺎﻧﺖ ﻣﺤﺠﺒﺔ ﻭﺯﻭﻳﻨﺔ ﻣﻬﻢ ﻛﺘﺒﺎﻟﻲ ﺑﺤﺎﻝ ﺍﻟﻤﻼ‌ﻙ ﺻﺎﻓﻲ ﻣﺸﻴﺖ ﻗﻠﺖ ﻏﺎﺩﻱ ﻧﺘﺼﻞ ﺑﻴﻬﺎ ووصونيت ليها
ﻣﺤﻤﺪ..ﺍﻟﺴﻼ‌ﻡ ﻋﻠﻴﻜﻢ
ﻫﺒﺔ.. ﻭﻋﻠﻴﻜﻢ ﺍﻟﺴﻼ‌ﻡ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ ﺷﻜﻮﻥ ﻣﻌﺎﻳﺎ
ﻣﺤﻤﺪ.. ﺍﻧﺎ ﻣﺤﻤﺪ ﺧﻮ ﻣﺮﻳﻢ
ﻫﺒﺔ.. ﺷﻨﻮ ﺣﺐ ﺍﻟﺨﺎﺗﺮ ﺍﺧﻮﻳﺎ
ﻣﺤﻤﺪ .. ﺍﻧﺎ ﺑﻐﻴﺖ ﻧﻬﻀﺮ ﻣﻌﺎﻙ ﺿﺮﻭﺭﻱ
ﻫﺒﺔ...ﻓﺎﺵ ﺑﻐﻴﺘﻲ ﺗﻜﻠﻢ ﻣﻌﺎﻳﺎ
ﻣﺤﻤﺪ ... ﺍﻧﺎ ﺭﺍﻩ ﻧﺎﻭﻱ ﺍﻟﻤﻌﻘﻮﻝ ﻭﺑﺎﻏﻴﻚ ﻓﻲ ﺍﻟﺤﻼ‌ﻝ
ﻫﺒﺔ. . ﻛﻨﻈﻦ ﻟﻲ ﻛﻴﺒﻐﻲ ﺍﻟﺤﻼ‌ﻝ ﻛﻴﺠﻲ ﻣﻦ ﺍﻟﺒﺎﺏ ﻣﺎﺷﻲ ﻣﻦ ﺍﻟﺴﺮﺟﻢ
ﻣﺤﻤﺪ.. ﺁﻩ ﺳﻤﺢي ليا ﺑﺰﺍﻑ ﻋﻨﺪﻙ ﺍﻟﺼﺢ
ﻭﻗﻄﻌﺖ ﺣﺴﻴﺖ ﺑﻬﺎ ﺻﺎﺭﻣﺔ ﻓﻲ ﻛﻼ‌ﻣﻬﺎ ﺧﻔﺖ ﻣﺘﻘﺒﻠﻨﻴﺶ ﺻﺎﻓﻲ ﻣﺸﻴﺖ ﻟﺨﺪﻣﺘﻲ ﻭﺍﺥا ﻫﺪﺍﻙ ﺍﻟﻨﻬﺎﺭ ﻛﻨﺖ ﻣﺮﻓﻮﻉ ﺻﺎﻓﻲ ﺳﻠﻴﺖ ﻭﺟﻴﺖ ﺍﻟﺪﺍﺭ ﻭﻛﻴﻒ ﻛﻞ ﻟﻴﻠﺔ ﺑﻐﻴﺖ نﺨﺮﺝ ﺷﻮﻳﺔ ﻗﻠﺖ ﺑﻼ‌ﺵ نجﻠﺲ ﻧﺘﻔﺮﺝ ﻓﻲ ﻭﺍﺩ ﺍﻟﺬﺋﺎﺏ ﻭﻟﻜﻦ ﻋﻘﻠﻲ ﻋﻨﺪ ﻫﺒﺔ ﻭ ﺷﻮﻳﺔ ﻭﻫﻴﺎ ﺗﺪﺧﻞ ﺍﻟﻮﻟﻴﺪﺓ... وقالت ليا مﺤﻤﺪ أولدي واش ﻣﺰﺍﻝ ﻣﻬﺪﺍﻛﺸﻲ ﺍﻟﻠﻪ ﺗﺘﺰﻭﺝ ﺭﺍﻩ أﻭﺍﻟﺪﻱ ﻛﺒﺮﺕ ﺷﻨﻮ ﺗﺘﺴﺘﻰ
ﺍﻧﺎ... ﻭﺍﺥ ﺍﻟﻤﻴﻤﺎ ﺩﺍﺑﺎ ﺭﺑﻲ ﻳﺴﻬﻞ ﺍﻩ ﺍﻧﺎ ﺣﺘﻰ ﻭﺍﺣﺪ ﻣﻜﺎﻥ ﻋﺎﺭﻑ ﺍﻧﻲ ﻛﻨﺸﺮﺏ ﻻ‌ﻧﻲ ﺻﺎﻓﻲ ﻭﻟﻔﺖ ﻣﻨﻲ ﻛﺎﻧﺖ ﻋﻨﺪﻱ 16 ﺳﻨﺔ ﻭﺍﻧﺎ ﻛﻨﺸﺮﺏ


والوليد مشات تنعس وأنا نصونيت ليها قلت ليها أنا بغيت نهضر معاك وتسمعي كلامي عفاك
ﻫﺒﺔ. . ﺷﻨﻮ ﻏﺎﺩﻱ ﻧﺴﻤﻊ ﺍﺧﻮﻳﺎ
ﺍﻧﺎ.. ﻫﺒﺔ ﺍﻧﺎ كنبغيك وبغيت تجمعني بيك علاقة حب ﻭ ﺍﻟﻠﻪ ﻛﻨﻮﺍﻋﺪﻙ ﻧﺘﺰﻭﺝ ﺑﻴﻚ
ﻫﺒﺔ ... المهم واخا حتى أنا راني معجبة بيك ( أش نقول ليكم مهزتنيي أرض ما شداتني سما بالفرحة ) وأنا غرق فالفرحة وهي تقولي المهم سمحلي دبا غادا نعس
ﺃﻧﺎ ..ﺗﺼﺒحي ﻋﻠﻰ ﺧﻴﺮ ﻳﺎ ﺃﺟﻤﻞ ﻣﻼ‌ﻙ .
ﺍﻧﺎ ﻋﻤﺮﻱ ﻣﺒﻐﻴﺖ ﺷﻲ ﺑﻨﺖ ﻛﻨﺖ ﻋﺎيش ﺣﻴﺎﺗﻲ ﺑﻄﻮﻝ ﻭ ﺍﻟﻌﺮﺽ ﻣﻬﻢ ﻧﻌﺴﺖ ﻓﺮﺣﺎﻥ ﺑﺰﺍﻑ ﻏﻴﺮ ﻓﻘﺖ ﻫﺰيت ﺘﻠﻴﻔﻮﻥ ﻭﺩﺧﻠﺖ ﺍﻟﻮﺍﺗﺴﺎﺏ ﻟﻘﻴﺘﻬﺎ ﻛﺎﻧﺖ ﺩﺍﺧلة ﻣﻊ 4 ﻭﺍﻧﺎ ﻧﻘﻮﻝ ﻫﺪﻱ ﻛﺘﻔﻴﻖ ﻣﻊ 4 ﺩﺍﺋﻤﺎ ﻋﻼ‌ﺵ
ﺻﺎﻓﻲ ﻭﻟﻴﺖ ﻧﻀﺖ ﻭ ﺩﻭﺷﺖ ﻭﺧﺮﺟﺖ ﻧﺎﺷﻂ
ﻓﻄﺮﺕ ﻭﺧﺮﺟﺖ ﺍﻟﺨﺪﻣﺔ ﺗﺼﻠﺖ ﺑﻴﻬﺎ


هبة: سلام وعليكم
ﺍﻧﺎ ﻭﻋﻠﻴﻜﻢ ﺍﻟﺴﻼ‌ﻡ ﺳﻤﺤﻠﻲ ﺻﺪﻋﺘﻚ
ﻫﺒﺔ.. ﻻ‌ ﻣﺎﺷﻲ ﻣﺸﻜﻞ ﻳﺎﻙ ﺍﻧﺖ ﺑﺨﻴﺮ ﺑﻌﺪﺍ
ﺍﻧا. . ﺍﻟﺤﻤﺪ ﻟﻠﻪ ﻣﺎﺩﺍﻡ ﺍﻧﺖ ﻓﻲ ﺣﻴﺎﺗﻲ ﻧﺤﻤﺪ ﺍﻟﻠﻪ ﻭﻧﺸﻜﺮ. ﻣﻤﻜﻦ ﻧﺴﻮﻟﻚ ﻋﻼ‌ﺵ ﻛﺘﻔﻴﻖ ﺩﺍﺋﻤﺎ ﻣﻌﺎ 4 ﺻﺒﺢ
ﻫﺒﺔ. .ﺍﻧﺎ ﻛنفﻴﻖ ﺍﻟﻘﻴﺎﻡ ﺍﻟﻠﻴﻞ ﻭﺗنﺼﻠﻲ ﺍﻟﻔﺠﺮ ﻋﻼ‌ﺵ ﺍﻧﺖ ﻣﺘكصليش
ﺍﻧﺎ. . ﺷﻮﻑ ﺍﻧﺎ ﻏﺎﺩﻱ ﻧﻌﺎﻭﺩ ﻟﻴﻚ ﺍﻧﺎ ﻣﺘﻨﺼﻠﻴﺶ ﻭ ﻛﻨﺴﻜﺮ ﻭﻛﻨﻔﺴﺪ ﻟﻜﻦ ﻫﺪﺷﻲ ﺣﺘﻰ ﻭﺍﺣﺪ ﻣﺘﻴﻌﺮﻓﻮ ﻣﻦ ﻏﻴﺮﻙ ﺍﻧﺖ ﺑﻮﺣﺪﺗﻚ
ﻫﺒﺔ. .ﺍﻟﻠﻪ ﻳﻌﻔﻮ ﻋﻠﻴﻚ ﻟﻜﻦ ﻫﺪﺷﻲ ﻣﻤﺰﻳﺎﻧﺶ ﻭﺇﻟﻰ ﺑﻐﻴﺖ ﺗﻜﻤﻞ ﻣﻌﺎﻳﺎ ﺧﺎﺹ ﻫﺪﺷﻲ ﻳﺤﻴﺪو ﻛلو
ﺍﻧﺎ.. أوك على قبلك أنتي أنا غادي نتبدل ونكون راجل بمعنى الكلمة
ﻫﺒﺔ ﺃﻥ ﺷﺎﺀ ﺍﻟﻠﻪ ﺗﻌﺎﻟﻰ ﻣﻬﻢ ﻧﺨﻠﻴﻚ ﺧﺎﺻﻨﻲ ﻧﻤﺸﻲ نوﺟﺪ راسي ﻓﻲ ﺃﻣﺎﻥ ﺍﻟﻠﻪ ﻭﺣﻔﻈﻪ
ﺃﻧﺎ. . . ﺁﻩ ﻏﺎﺩﻱ نﻌﺎﻭﺩ ﻧﺘﺼﻞ ﺑﻴﻚ ﺻﺎﻓﻲ
ﻫﺒﺔ ..ﺇﻥ ﺷﺎﺀ ﺍﻟﻠﻪ ﺗﻌﺎﻟﻰ
ﺻﺎﻓﻲ ﻣﺸﻴﺖ ﻛﻤﻠﺖ ﺧﺪﻣﺘﻲ ﻭﺟﻴﺖ ﺍﻟﺪﺍﺭ ﻣﻊ 4 ﺩﻳﺎﻝ ﺍﻟﻌﺸﻴﺎ ﻭﻧﻌست ﻣﻨﻲ ﻓﻘﺖ ﺩﻭﺷﺖ ﻭﺑﻘﻴﺖ ﻧﺘﻔﺮﺝ ﻓﻲ ﻭﺍﺩ ﺍﻟﺬﺋﺎﺏ ﺻﺎﻓﻲ ﺳﻼ‌ ﺑﻘﻴﺖ ﺩﺭﺕ ﺍﻟﻜﻮﺗﻲ ﻭﺧﺮﺟﺖ ﻫﺰﻳﺖ ﺍﻟﺴﻴﺎﺭﺗﻲ ﻣﺸﻴﺖ ﺍﻟﻘﻬﻮﺓ ﺑﻘﻴﺖ ﻛﻨﺘﻔﺮﺝ ﻓﻲ ﺍﻟﺒﺎﺭﺻﺔ ﻏﻴﺮ ﺳﺎﻝ ﺍﻟﻤﺎﺗﺶ ﻭﻃﻠﻌﺖ ﺍﻟﺴﻴﺎﺭﺓ ﻭﺗﺼﻠﺖ ﺑﻲ ﻫﺒﺔ ﺣﺘﺎﺵ ﻣﻜﻨﺒﻐﻴﺶ ﻧﺘﺼﻞ ﺑﻴﻬﺎ ﻭﺳﻂ ﺍﻟﻨﻬﺎﺭ ﻣﺒﻐﻴﺘﺶ ﻧجبﺪ ﻟﻴﻬﺎ ﺻﺪﺍﻉ ﺻﺎﻓﻲ ﺑﻘﻴﻨﺎ هﺎﻛﺎ ﺩﺍﺋﻤﺎ ﻳﻮﻣﻴﺎ ﻛﻨﺘﻜﻠﻤﻮ ﺣﺘﻰ 4 ﺳﻮﻳﻊ ﻛﻞ ﻟﻴﻠﺔ ﺍﻧﺎ ﻣﺒﻴﻘﺘﺶ ﻛﻴﻒ ﻛﻨﺖ ﻣﺒﻘﻴﺘﺶ كنفسد ﻭﺻﺤﺎﺑﻲ ﻟﺤﻈﻮﻧﻲ ﺍﻧﻲ ﺗﺒﺪﻟﺖ ﻟﻜﻦ ﻣﻌﺮﻓﻴﻨﺶ ﺳﺒﺎﺏ ﺍﻧﺎ ﻭﻫﺒﺔ ﻣﻜﺎﻧﺶ ﺷﻲ ﻭﺍﺣﺪ ﻋﺎﺭﻑ ﻋﻼ‌ﻗﺘﻨﺎ ﻭﻛﻨﺖ ﻛﻨﻘﻮﻟﻴﻬﺎ ﺇﻟﻰ ﺷﻔﺘﻨﻲ ﻣﺘﺴﻠﻤﻴﺶ ﻋﻠﻴﺎ ﻭﻻ‌ ﺩﺧﻠﻲ ﺣﺘﻰ ﻧﻤﺸﻲ ﺍﻧﺎ ﻭﻋﻤﺮﻧﺎ ﻣﺘﻠﻘﻴﻨﺎ ﺑﺮﺍ ﺍﻧﺎ ﻣﻜﻨﺒﻐﻴﺶ ﻣﺒﻐﻴﺘﺶ ﺷﻲ ﻭﺍﺣﺪ ﻳﻘﻮﻝ ﻋﻠﻴﻬﺎ ﺷﻲ ﻛﻠﻤﺔ ولا يقول عليها شي حاجة حيت محتارمن فالحي


ﺍﻧﺎ ﻛﻨﻐﻴﺮ ﺑﺰﺍﻑ ﻋﻠﻴﻬﺎ ﻭﺍﻟﻠﻪ ﺍﻟﻌﻈﻴﻢ ﺓ ﻛﻨﻤﻮﺕ ﻋﻠﻴﻬﺎ ﻛﻨﺖ ﻛﺎﺭﻱ ﻭﺍﺣﺪ ﺍﻟﺪﺍﺭ ﻛﻨﺖ ﺗﻨﻤﺸﻲ ﻟﻴﻬﺎ ﺍﻧﺎ ﻭﺻﺤﺎﺑﻲ ﻣﻊ ﺍﻟﺒﻨﺎﺕ ﻟﻜﻦ ﻣﻨﻲ ﻋﺮﻓﺖ ﻫﺒﺔ ﻭﻗﻠﺒﻬﺎ ﺍﻟﻄﻴﺐ ﻣﺒﻐﻴﺘﺶ ﻧﺨﻮﻧﻬﺎ ﻭﻟﻴﺖ ﻛﻨﻤﺸﻲ اﻟﺪﺍﺭ ﻭ ﻧﺒﻘﻰ ﻧﺘﻜﻠﻢ ﺍﻧﺎ ﻭﻳﺎﻫﺎ ﺗﻔﻘﺘﺎ ﻋﻠﻰ ﻛﻠﺸﻲ ﻓﻲ ﺣﻴﺎﺗﻨﺎ ﻋﻤﺮﻧﺎ ﻣﺘﺨﺼﻤﻨﺎ ﻭﻛﻨﺖ ﺩﺍﺋﻤﺎ ﻛﻨﺘﺼﻞ ﺑﻴﻬﺎ ﻭ ﻛﻨﺖ ﻣﻨﻲ ﻛﻨﻌﺒﺊ ﻟﻴﻬﺎ ﻛﺘﺼﻮﺗﻲ ﻟﻲ ﻭ ﻛﻨﻘﻄﻊ ﻋﻠﻴﻬﺎ ﻭﻛﻨﺘﺼﻞ ﺍﻧﺎ ﻛﻨﻘﻮﻟﻴﻬﺎ.. ﺍﻧﺎ ﻋﺒﺌﺖ ﻟﻴﻚ ﺑﺎﺵ ﺗﻜﻠﻤﻲ ﻣﻊ ﺻﺤﺒﺘﻚ. ﺍﻣﺎ ﺍﻧﺎ ﻧﺘﺼﻞ،ﺑﻴﻚ ﻫﻲ ﻛﺎﻧﺖ ﻣﺄﺩﺑﺔ ﻭﺑﻘﺎﺕ ﺣﺘﻰ ﺑﺪﻟﺘﻨﻲ ﻭﻟﻮ ﺻﺤﺎﺑﻲ ﻛﻴﻘﻮﻟﻮ ﻟﻲ ﺍﻟﺤﺐ ﻟﻲ ﻛﻴﺪﻳﺮ ﻫﺎﻛﺎ ﺍﻧﺎ ﻗﻠﺖ ﻟﻴﻬﻢ ﺍﻩ ﻭﻓﺮﺣﺖ ﺍﻧﻲ ﻣﺒﻘﻴﺘﺶ ﻛﻨﺸﺮﺏ ﻭﻣﺒﻘﻴﺘﺶ ﻛﻨﻔﺴﺪ ﻭ ﻭﻟﻴﺖ ﻛﻨﻔﻜﺮ ﻓﻲ ﺍﻟﻤﺴﺘﻘﺒﻞ ﻟﻲ ﻫﻮ ﻣﻊ ﻫﺒﺔ ﺻﺎﻓﻲ ﻣﻨﻲ ﻗﺎﺩﻳﺖ ﺍﻣﻮﺭﻱ ﻤﺸﻴﺖ ﻋﻦ ﺍﻟﻮﻟﻴﺪﺓ ﺍﻧﺎ... ﺍﻟﻤﻴﻤﺎ ﺗﻮﺣﺸﺘﻚ ﻣﺎﻣﺎ.. ﺍﻟﻠﻪ ﻳﺎ ﻭﻟﺪﻱ ﻭﺟﻬﻚ ﻭﻻ‌ ﻣﻨﻮﺭ ﺍﻧﺎ. ..ﺑﻐﻴﺖ ﻧﻬﻀﺮﻣﻌﺎﻙ ﻓﻮﺍﺣﺪ ﺍﻟﻤﻮﺿﻮﻉ ﻣﺎﻣﺎ... ﺍﻟﻠﻪ ﻳﺴﻤﻌﻨﺎ ﺧﺒﺎﺭ ﺍﻟﺨﻴﺮ ﺷﻨﻮ ﺍﻭﻟﺪﻱ ﺍﻧﺎ.. ﺍﻭك ﻋﻴﻂي ﻋﻠﻰ ﻣﺮﻳﻢ ﺑﻐﻴﺘﻜﻢ 2 ﺗﺴﻤﻌﻮﻧﻲ ﻣﺎﻣﺎ..ﻣﺮﻳﻢ ﺍﺟﻲ ﺍﺑﻨﺘﻲ ﺑﻐﻴﺘﻚ ﻣﺮﻳﻢ..ﻧﻌﻢ ﻤﺎﻣﺎ ﺧﻮﻳﺎ ﻣﺤﻤﺪ ﺷﻔﺘﻚ ﻭﻟﻴﺖ ﻛﺘﺠﻠﺲ،ﻓﻲ ﺍﻟﺪﺍﺭ ﻣﻌﺎﻧﺎ بزاف ومبقيتش تسهر ﺍﻧﺎ..ﻫﻬﻬﻪ ﺍﻩ ﺑﻐﻴﺖ ﻧﻘﻮﻟﻜﻢ ﺍﻧﻲ ﻗﺮﺭﺕ ﻧﺘﺰﻭﺝ ﻗﻠﺖ نﺷﻮﻑ ﻭﺍﺵ ﺣﻄﻴﻦ ﻋﻴﻨهم ﻋﻠﻰ ﺷﻲ،ﻋﺮﻭﺳﺔ ﻣﺎﻣﺎ.. ﺍﻟﻠﻪ ﻳﺎﻭﻟﻴﺪﻱ ﻓﺮﺣﺘﻨﻲ ﻣﺮﻳﻢ.. ﺧﻮﻳﺎ ﺍﻧﺎ ﻋﻨﺪﻱ ﺍﻟﻌﺮﻭﺳﺔ ﺩﻳﺎﻟﻚ ﺯﻭﻳﻨﺔ ﻭ ﺣﺎﺩكة ﻭ ﻋﺰﻳﺰة ﻋﻠﻴﻨﺎ ﻛﻠﻨﺎ ﻭﺩﺍﺭﻫﻢ ﻣﺰﻳﺎﻧﻴﻦ ﻭﻫﻲ ﻟﻲ ﻋﻨﺪ ﺑﺎﻫﺎ ﺍﻧﺎ. ﻳﻜﻮﻥ ﻫﺬي ﺍﻟﻤﻼ‌ﻙ ﻟﻲ ﻛﺘﻮﺻﻒ ﻓﻴﻪ ﻫﻬﻬﻪ ﻣﺮﻳﻢ...ﻫﺒﺔ ﺑﻨﺖ ﺍﻟﺤﺎﺝ ﺟﺎﺭﻧﺎ ﺍﻧﺎ.. ﻻ‌ معرفتهاش ﻣﻬﻢ ﻧﺘﻮﻣﺎ ﺷﻮﻓﻮ ﻣﻊ ﺍﻟﻨﺎﺱ ﻭﻧﻤﺸﻮ ﻭﻧﺸﻮﻓﻮﻫﺎ ﻭﻳﺼﺎﻭﺏ ﺍﻟﻠﻪ ﺍﻧﺎ ﻛﻨﺖ ﻋﺎﺩﻱ ﻧﻄﻴﺮ ﺑﺎﻟﻔﺮﺣﺔ ﻻ‌ﻥ ﺩﺍﺭﻧﺎ ﺧﺘﺎﺭﻭ ﻧﻔﺲ ﺍﻟﺒﻨﺖ ﻟﻲ ﻛﻨﺒﻐﻴﻬﺎ ﻭﺗﺼﻠﺖ بﻫﺒﺔ ﻗلت لﻴﻬﺎ ﺭﺍﻩ ﻓﺎﺗﺤﺖ ﺍﻟﺪﺍﺭ ﻓﻲ ﺍﻟﻤﻮﺿﻮﻉ ﻭ ﻣﻮﻓﻘﻮﺵ ﺻﺎﻓﻲ ﺑﺪﺍﺕ ﺗﺒﻜﻲ ﻭﻗﻄﻌﺖ ﻭﺍﻧﺎ ﻛﻨﺤﺎﻭﻝ ﻧﺘﺼﻞ ﺑﺰﺯ ﺣﺘﺎ ﺟﺎﻭﺑﺎﺕ ﻫﺒﺔ... ﺻﺎﻓﻲ ﺩﻳﺮ ﺩﺍﻛﺸﻲ ﻟﻲ ﺑﻐﺎﻭ ﺩﺍﺭﻛﻢ ﺍﻋﻤﺮﻱ ﻭﻟﻴﺪﻳﻚ ﻫﻤﺎ ﺍﻟﻠﻮﻟﻴﻦ ﺍﻧﺎ.ههههه ﻭﺭﺍﻩ ﻏﻴﺮ ﻛﻨﻀﺤﻚ ﻣﻌﺎﻙ ﺍﻟﻬﺒﻴﻠﺔ ﻛﻨﺒﻐﻴﻚ ﻭ ﻛﻨﻤﻮﺕ ﻋﻠﻴﻚ ﻳا أﺣﺴﻦ ﺣﺎﺟﺔ ﻭﻗﻌﺖ ﻟﻲ ﻓﻲ ﺣﻴﺎﺗﻲ

ﺻﺎﻓﻲ ﺍﻧﺎ ﺑﺼﺎﺡ ﻭﻋﺪﺗﻬﺎ ﺑﺎﺵ ﻧﺘﻐﻴﺮ ﻭ ﺑﺎﺵ ﻧﺨﻄﺒﻬﺎ ﺍﻧﺎ ﻣﻜﻨﺘﺶ ﻛﻨﺘﻔﻼ‌ ﻋﻠﻴﻬﺎ ﻭﻛﻨﻤﻮﺕ ﻋﻠﻴﻬﺎ ﻛﺎﻧﺖ ﺑﺎﻟﻨﺴﺒﺔ ﻟﻲ هي الهواء ﺍﻟﻤﺪﺓ ﻟﻲ ﺩﻭﺯﻧﺎ ﻫﻲ 6 ﺍﺷﻬﺮ ﻣﻨﻲ ﺗﻜﻠﻤﻨﺎ ﺣﺘﻰ ﺧﻄﺒﺘﻬﺎ ﻣﻬﻢ ﻫﻀﺮﺍﺕ ﻣﺮﻳﻢ ﻣﻊ ﻫﺒﺔ ﻣﺮﻳﻢ.. ﺳﻼ‌ﻡ ﺣﺒﻴﻴﺘﻲ ﻫﺒﺔ ﻟﺒﺎﺱ ﻋﻠﻴﻚ ﻫﺒﺔ.. ﺍﻟﺤﻤﺪ ﻟﻠﻪ ﻛﻴﻒ ﺭﺍﻙ ﺍﻧﺖ ﻭ ﺩﺍﺭ ﻛﻠﻜﻢ ﻣﺰﻳﺎﻥ ﻣﺮﻳﻢ... ﺍﻩ ﺍﻟﺤﻤﺪﻟﻠﻪ ﺍﻭﻯ ﺍﻭﻯ ﻛﻴﻒ ﺑﻘﺎﺕ ﻋﻤﺘﻚ ﻣﻦ ﻭﺭﺍﺀ ﺍﻟﻌﻤﻠﻴﺎ ﻣﺰﻳﺎﻥ ﺭﺍﻩ ﺍﻟﻤﻴﻤﺎ ﺑﻐﺎﺕ ﺗﺠﻲ ﺗﺸﻮﻓﻬﺎ ﻫﺒﺔ... ﻣﺮﺣﺒﺎ ﺑﻴﻜﻢﻫﻲ ﺷﻮﻳﺎ ﺍﻟﺤﻤﺪ ﻟﻠﻪ ﺍﻩ ﻓﻮﻗﺎﺵ ﻣﺎﺷﻲ ﺗﺠﻴﻮ ﻏﻴﺮ ﺑﺎﺵ ﻧﻜﻮﻥ ﻓﻲ ﺍﻟﺪﺍﺭ ﻣﺮﻳﻢ...ﺍﻥ ﺷﺎﺀ ﺍﻟﻠﻪ ﻓﻲ ﺍﻟﻌﺸﻴﺎ ﻫﺒﺔﺍﻥ ﺷﺎﺀ ﺍﻟﻠﻪ ﻣﺮﻳﻢ... ﺍﻭ ﺍﺳﻱ ﻣﺤﻤﺪ ﻭﺍﻗﻒ ﻣﻌﺎﻙ ﺍﻩ ﻭﺍﺵ ﺑﻐﺘﻲ ﺗﺸﻮﻑ ﻫﺒﺔ ﺍﻧﺎ.. ﻻ‌ ﻏﻴﺮ ﺧﻠﻲ ﺣﺘﻰ ﻧﻤﺸﻮ ﺍﻟﻌﻨﺪﻫﻢ ﻏﻴﺮ ﻗﻮﻟﻮﻫﺎ ﻟﻴﻬﻢ ﻭ ﺍﻧﺎ ﻭﺑﺎ ﻏﺎﺩﻱ ﻧﻘﻮﻟﻮﻫﺎ ﺍﻟﺤﺎﺝ ﻭ ﺧﻮﻫﺎ ﺍﻟﻜﺒﻴﺮ ﺻﺎﻓﻲ ﻣﺸﻴﺎﺕ ﻣﻨﻜﺪﺑﺶ ﻋﻠﻴﻜﻢ ﻛﻨﺖ ﺣﺎﺱ ﺍﻧﻲ ﺻﺎﻓﻲ ﺧﺪﻳﺖ ﻣﻦ ﺍﻟﺪﻧﻴﺎ ﺩﺍﻛﺸﻲ،ﻟﻲ ﺗﻤﻨﻴﺖ ﻭ ﺍﻛﺜﺮ ﺧﺮﺟﺖ ﻭﺻﻠﺖ ﺣﺒﻴﺒﺘﻲ ﻫﻲ ﻛﺎﻥ ﻛﻴﻌﺠﺒﻬﺎ ﺗﻘﻮﻟﻴﻬﺎ ﺍﻟﻜﺒﺪﺓ ﺩﻳﺎﻟﻲ ﺍﻧﺎ.. ﺳﻼ‌ﻡ ﺍﻟﻜﺒﺪﺓ ﺩﻳﺎﻟﻲ ﻟﺒﺎﺱ،ﻋﻠﻴﻚ ﺗﻮﺣﺸﺘﻚ ﺍﻋﻤﺮﻱ ﺷﻨﻮ ﻛﺘﻌﻤﻠﻲ ﻫﺒﺔ.. ﻭﻋﻠﻴﻜﻢ ﺍﻟﺴﻼ‌ﻡ ﻣﺎﻟﻚ ﻋﻠﻰ ﻫﺪ ﺍﻟﺰﺭﺑﺔ ﺗﺤﻴﺎﺗﻲ ﻭ ﺍﻟﻠﻪ ﺣﺘﻰ ﺍﻧﺎ ﺗﻮﺣﺸﺘﻚ ﺑﺰﺍﻑ ﻭ ﻣﺒﻘﻴﺘﺶ ﺷﻔﺘﻚ ﺍﻧﺎ... ﻋﻤﺮﻱ ﻏﻲ ﺻﺒﺮي ﻭ ﺍﻟﻠﻪ ﺍﻧﺎ ﺑﻐﻴﺖ ﻧﺸﻮﻓﻚ ﻟﻜﻦ ﺍﻧﺎ ﻧﺒﻐﻴﺘﺶ ﺷﻲ ﻭﺍﺣﺪ ﻳﺸﻮﻓﻨﺎ ﻭﻻ‌ ﻳﻌﺮﻑ ﺍﻧﻨﺎ ﻛﻨﻌﺮﻑ ﺑﻌﻀﻨﺎ ﺑﻐﻴﺘﻚ ﺗﺒﻘﺎﻱ ﻛﻴﻒ ﻛﻨﺖ ﻓﻲ ﻧﻈﺮﺕ ﺍﻟﻜﻞ ﺍﺣﺒﻴﺒﺘﻲ ﻫﺒﺔ. ﺍﻟﻠﻪ ﻳﺤﻔﻈﻚ ﻟﻲ ﺍﻋﻤﺮﻱ ﻣﻬﻢ ﺍﻧﺎ ﻧﻤﺸﻲ ﻧﻮﺟﺪ لﻛﻴﻚ ﻭﺷﻲ ﺗﺨﺮﺑﻴﻖ ﺟﺎﻳﺎ ﻣﺎﻣﺎك ﻓﻲ ﺍﻟﻌﺸﻴﺎ ﺍﻧﺎ... ﻭﺍﺥ ﺍﻋﻤﺮﻱ ﺩﻳﺎﻟﻲ ﺍﻩ ﺗﻬﻼ‌ﻱ ﻟﻲ ﻓﺮﺍﺳﻚ ﻭ ﻣﺘﺒﻘﺎﺵ ﺍتفﻜﺮﻱ،ﺑﺰﺍﻑ أنتي ﺩﻳﺎﻟﻲ ﺻﺎﻓﻲ ﻛﻨﺒﻐﻴﻚ ﺍﻟﺤﻤﻘﺔ قطعت
ﻣﺸﻴﺖ ﻟﺨﺪﻣﺘﻲ ﺍﻩ ﺍﻧﺎ ﻛﺎﻧﻮ ﺍﻟﺒﻨﺎﺕ ﻛﻠﻬﻢ ﺑﻐﻴﻨﻲ ﻟﺤﻘﺎﺵ ﺻﺮﺍﺣﺔ ﺍﻧﺎ ﻋﻨﺪﻱ ﺣﻖي ﻣﻦ ﺍﻟﺰﻳﻦ ﺍﻧﺎ ﺯﻋﺮ ﻭ ﻋﻴﻨﻴﺎ ﺧﻀﺮﻳﻦ ﻭ ﻋﺎﻣﺮﺷﻮﻳﺔ ﻭﻃﻮﻳﻞ.. ﻟﻜﻦ ﻭ ﺍﻟﻠﻪ ﻣﻜﺎﻧﺶ ﻛﻴﺒﻠﻲ ﻣﻦ ﻏﻴﺮ ﻫﺒﺔ ﻟﻲ ﺷﺪﺍﺗﻨﻲ ﺑﺎﻟﺤﺘﺮﺍﻡ ﺩﻳﺎﻟﻬﺎ ﻣﻬﻢ ﺟﻴﺖ ﺍﻟﺪﺍﺭ ﻓﻲ ﺍﻟﻌﺸﻴﺎ ﻛﻨﻠﻘﺎ ﻏﻴﺮ ﺧﻮﺍﺗﺘﻲ ﻻ‌ﺧﺮين ﺍﻣﺎ ﻣﺮﻳﻢ ﻭ ﺍﻟﻤﻴﻤﺎ ﻣﺸﺎﻭ ﻋﻨﺪ ﺩﺍﺭ ﻫﺒﺔ ﺍﻧﺎ ﻋﻨﺪﻱ 4 ﺧﻮﺍﺗﺎﺕ


ﺍﻟﻠﻪ ﻳﺴﻤﺢ ﻟﻴﻬﻢ ﺻﺎﻓﻲ،ﺟﺎﺕ ﺍﻟﻤﻴﻤﺎ ﻓﺮﺣﺎﻧﺔ ﻭﺩﺧﻞ ﺍﻟﻮﺍﻟﻴﺪ ﺍﻧﺎ.. ﺍﻟﺴﻼ‌ﻡ ﻋﻠﻴﻜﻢ ﻛﻴﻒ ﺭﺍﻙ ﺍﻟﻮﻟﻴﺪ ﺍﻟﻮﺍﻟيﺪ... ﺍﻟﺤﻤﺪ ﻟﻠﻪ ﺍﻭﻟﺪﻱ ﺍﻭﻯ ﺍﻟﺤﺎﺟﺔ ﻛﻴﻒ،ﺟﺎﺗﻚ ﻋﺮﻭﺳة ﻭﻟﺪﻙ ﺍﻟﻤﻴﻤﺎ... ﻣﺎﺷﺎﺀ ﺍﻟﻠﻪ ﻏﺰﺍﻝة ﻭﻣﺼﻮﺍﺑﺔ ﻭﺣﺘﻰ ﻣﺎﻣﻬﺎ ﻭ ﻣﺮﺍﺕ ﺧﻮﻫﺎ ﻇﺮﻳﻔﻴﻦ ﺑﺰﺍﻑ ﺍﻟﻠﻪ ﻳﻜﻤﻞ،ﺑﺎﻟﺨﻴﺮ ﺍﻭﻟﺪﻱ ﺍﻧﺎ...ﺍﻣﻴﻦ ﺍﻣﻲ ﻭ ﺍﻟﻠﻪ ﺍﻧﺎ ﻓﺮﺣﺎﻥ ﺑﺰﺍﻑ ﻣﻨﻲ ﻧﺘﻤﺎ ﻟﻲ ﺧﺘﺎﺭﺗﻮ ﻟﻲ ﻣﺮﺍﺗﻲ ﺍﻟﻮﺍﻟﻴﺪ... ﺍﻭﻯ ﺣﺘﻰ ﺍﻧﺎ ﻣﺎﺷﻲ ﻧﺘﺼﻞ ﺑﺎﻟﺤﺎﺝ ﻭ ﻧﻘﻮﻝ ﻓﻮﻗﺎﺵ ﻧﻤﺸﻮ ﻋﻨﺪﻫﻢ ﻭﺍﺥ ﺗﻜﻠﻢ ﺍﻟﻮﻟﻴﺪ ﻣﻊ ﺍﻟﺤﺎﺝ ﻭﻗﺎﻟﻮ ﺍﻧﻪ ﺍﻟﺪﻳﻦ ﻧﺠﻮ ﻋﻨﺪﻛﻢ ﻧﻬﺎﺭ ﺍﻟﺴﺒﺖ ﺍﻥ ﺷﺎﺀ ﺍﻟﻠﻪ ﺣﻨﺎ ﻭﺩﺍﺭ ﻧﺸﺮﺏ ﻣﻌﺎﻛﻢ ﺷﻲ،ﻛﺎﺱ،ﺩﻳﺎﻝ،ﺍﺗﺎﻱ ﻭﻗﺎﻟﻮ ﺍﻟﺤﺎﺝ.. ﻣﺮﺣﺒﺎ ﺑﻜﻢ ﻓﻲ،ﺍﻱ ﻭﻗﺖ ﺻﺎﻓﻲ ﺍﻧﺎ ﺑﻐﻴﺖ ﻧﻄﻴﺮ ﺍﻟﻔﺮﺣﺔ ﻭ ﺍﻟﺤﻤﺪ ﻟﻠﻪ ﻣﺒﻘﻴﺘﺶ ﻛﻨﺸﺮﺏ ﻭ ﻻ‌ ﻛﻨﻔﺴﺪ ﻛﻞ ﺷﻲ ﺑﺴﺒﺐ ﻫﺒﺔ ﺍﻟﻠﻪ ﻭﺍﺧﻴﺮﺍ ﻏﺎﺩﻱ،ﻧﻌﻴﺶ ﻣﻊ ﺍﻟﺒﻨﺖ ﻟﻲ،ﻛﻨﺒﻐﻴها ﻣﻜﻨﺘﺶ ﻋﺎﺭﻑ ﺍﻧﻲ ﻫﺬﻱ ﺍﺧﺮ ﻓﺮﺣﺔ ﻓﻲ ﺣﻴﺎﺗﻲ ﻣﻜﻨﺘﺶ ﻋﺎﺭﻑ ﺍﻧﺎ ﺣﺒﻲ ﻭﺣﻴﺎﺗﻲ ﻏﺪﻱ ﺗﺪﻣﺮﻫﻢ ﻟﻲ ﻟﻲ ﻣﻲ ﻭ ﺧﻮﺍﺗﺘﻲ ﻣﻜﻨﺘﺶ ﺣﺴﺎﺏ ﻟﻬﺪﺷﻲ ﺻﺎﻓﻲ ﻣﺸﻴﻨﺎ ﺟﺎﺀ ﺍﻟﻴﻮﻡ لﻏﺎﺩﻱ ﻧﻤﺸﻮ ﻋﻨﺪﻫﻢ ﻣﻦ ﻭﺭﺍﺀ ﺻﻼ‌ﺓ ﺍﻟﻤﻐﺮﺏ ﻣﺸﺎﺕ ﺍﻣﻲ ﻭ ﻣﺮﻳﻢ ﻭ ﺍﻣﻴﻨﺔ ﻫﺪﻱ ﺍﺧﺘﻲ ﺣﺘﻰ ﻫﻲ ﻋﺎﺩ ﻟﺤﻘﺖ ﻋﻠﻴﻬﻢ ﺍﻧﺎ ﻭﺑﺎ ﺩﺧﺎﻟﻨﺎ ﻋﻨﺪ ﺍﻟﻨﺎﺱ ﻭﻓﺮﺣﻮ ﺑﻴﻨﺎ ﻫﺒﺔ ﻛﺎﻧﺖ ﺑﻨﺖ ﻭﺳﻂ 3 ﺍﻻ‌ﺧﻮﺓ ﻋمران ﻫﻮ ﺍﻟﻜﺒﻴﺮ ﻋﺎﺩ،ﻫﻲ ﻭ ﺧﻮﺗﻬﺎ 2 ﺻﻐﺎﺭ ﺻﺎﻓﻲ ﺟﻠﺴﻨﺎ ﻣﺠﻤﻮﻋﻴﻦ ﻫﻀﺮﻧﺎ ﺗﻜﻠﻤﻨﺎ ﻭﺑﺎ ﻣﺴﻜﻴﻦ ﻋﻤﺮﻭ ﻣﺸﺎﻑ ﻫﺒﺔ ﻗﺎﻟﻴﻬﻢ ﻭﺍﺵ ﻣﻨﻮﻧﻴﺶ ﺗﻮﺭﻧﺎ،لالة‌ ﻫﺒﺔ ﻫﻬﻬﻪ ﻏﻴﺮ،ﻛﻴﻀﺤﻚ ﻣﺸﺎﺕ ﺟﺎﺑﺘﻬﺎ ﻣﺮﺍﺕ ﺧﻮﻫﺎ ﺩﺧﻠﺖ ﻫﺒﺔ ﻭ ﺍﻟﻠﻪ حسيﺖ ﺑﻘﻠﺒﻲ ﺗﺰﻋﺰﻉ ﻣﻦ ﺑﻼ‌ﺻﺘﻮ ﻭﻫﻲ ﻻ‌ﺑﺲة ﻗﻔﻄﺎﻥ ﻓﻲ ﺍﻟﻤﺎﺭﻭ ﻭﻓﻮﻻ‌ﺭ ﻭﻣﺪﻳﺮﺍﺵ ﺍﻟﻤﻜﻴﺎﺝ ﻳﻌﻨﻲ ﻏﺰﺍﻟﺔ ﻛﻞ ﺷﻲ ﻋﺠﺒﺎﺗﻬﻢ ﻭﺩﺍﺯﺕ،ﺳﻠﻤﺎت ﺍﻧﺎ ﺍﻭﻝ ﻣﺮﺕ ﻛﺘﻘﻴﺺ ﻳﺪﻱ ﻳﺪﻫﺎ ﻭ ﺍﻟﻠﻪ ﺍﻟﻌﻈﻴﻢ ﻛﺎﻥ ﺑﻨﺎ ﻧﻘﻲ ﺻﺎﻓﻲ ﺳﻮﻟﻬﺎ ﺑﺎﺑﻬﺎ ﻗﺎﻟﻴﻬﺎ ﻭﺍﺵ ﻣﻮﺍﻓﻘﺔ ﻫﺪﺷﻲ ﻛﻞ،ﻗﺪﺍﻡ ﻋﻴﻨﻚ ﻭ ﻫﻲ ﺳﻜﺘﺎﺕ ﻭ ﺍﻟﺴﻜﻮﺕ ﻣﻦ ﻋﻼ‌ﻣﺎﺕ ﺍﻟﺮﺿﺎ ﺻﺎﻓﻲ ﺗﻌﺸﻨﺎ ﻭ ﺍﻟﻨﺎﺱ،ﻣﻘﺼﺮﻭﺷﻲ ﻣﻦ ﺟﻬﺪﻫﻢ ﻫﻤﺎ ﺍﺻﻼ‌ ﻧﺎﺱ،ﻟﺒﺎﺱ ﻋﻠﻴﻬﻢ ﺻﺎﻓﻲ ﻣﺸﻴﻨﺎ ﺩﻳﻚ،ﻟﻴﻠﺔ ﻛﻠﻬﺎ ﻭﺣﻨﺎ ﻛﻨﻬﻀﺮﻭ ﻣﻤﺼﺪﻗﻴﻨﺶ ﺍﻧﻨﺎ ﺑﻘﻰ ﻟﻴﻨﺎ ﺷﻬﺮ ﻭﻧﺸﻮﻑ ﻫﺒﺔ معايا

ﺻﺎﻓﻲ،ﻧﻌﺴﺖ ﻋﻠﻰ ﺻﻮﺗﻬﺎ ﻛﺎﻥ نهار ﺍﻻ‌ﺣﺪ ﻓﻘﺖ ﺩﻭﺷﺖ ﻭ ﺍﻧﺎ ﻓﺮﺣﺎﻥ ﻭﻓﻄﺮﺕ ﻭﺗﺼﻠﺖ ﺑالحبيبة ﺩﻳﺎﻟﻲ ﻧﺸﻮﻓﻬﺎ ﻛﻴﻒ ﺻﺒﺤﺎﺕ ﻫﻀﺮﻧﺎ ﺗﻜﻠﻤﻨﺎ ﺷﻮﻳﺎ ﻭﻗﻄﻌﻨﺎ ﻫﻲ ﻛﺎﻧﺖ ﻣﺸﻐﻮﻟﺔ ﻫﻨﺎ ﺑﺪﺍﺕ ﺍﻟﻤﺸﺎﻛﻴﻞ ﻧﺎﺱ ﺍﻟﺤﻮﻣﺔ ﻋﺮفة،ﺍﻧﻨﻲ ﺧﻄﺒﺖ ﻫﺒﺔ ﺻﺎﻓﻲ،ﺑﺪﺍﺕ ﺍﻟﻬﻀﺮﺍ ﺭﺍﻩ ﻛﺎﻧﺖ ﻣﻌﺎﻩ ﻭﻛﺎﻧﻮ ﻛﻴﺨﺮﺟﻮ ﻭﻛﻴﺘﺴﺎﺭﻭ ﻭﺷﻔﻨﺎﻫﻢ ﻣﻊ ﺑﻌﻀﻬﺎ ﻭﺍﻧﺎ ﺍﻗﺴﻢ ﻟﻜﻢ ﺑﺎﻟﻠﻪ،ﻋﻤﺮﻱ ﻣﺨﺮﺟﺖ ﻣﻌﺎﻫﺎ ﻭﻻ‌ ﺗﻠﻘﻴﺘﻬﺎ ﻭﺭﺑﻲ ﺷﺎﻫﺪ ﻋﻠﻴﺎ ﻛﻞ ﺷﻲ ﻛﻴﻬﻀﺮ ﺍﻡ ﺑﻨﺎﺕ ﺍﻟﺠﻴﺮﺍﻥ ﻻ‌ﻧﻬﻢ ﻛﺎﻥ ﻣﺼﺎﺣﺒﻴﻦ ﻣﻊ ﺧﻮﺍﺗﺘﻲ ﻋﻠﻰ ﻗﺒﻠﻲ،ﺑﻐﺎﻭ ﺑﺘﺮﺗﻘﻮ ﺍﻧﺎ ﻭﻟﻮ ﺗﻴﻌﻴﻄﻮﻟﻲ ﻓﻲ،ﺭﻗﻢ ﺍﻟﺨﺪﻣﺔ ﻛﻴﻘﻮﻟﻮ ﻟﻲ ﺍﻧﻬﺎ، ﺭﺍﻩ ﻣﺰﻳﻨﺎﺵ ﻭﻛﺘﻌﺮﻑ ﺷحال ﻣﻦ ﻭﺍﺣﺪ ﻭ ﺑﺰﺍﻑ ﺍﻟﻜﻼ‌ﻡ ﺍﻧﺎ ﻛﻨﺖ ﻋﺎﺭﻑ ﺣﺒﻴﺒﺘﻲ خليهم ﻳﻬﺪﺭﻭ واحد نهار تصلت،ﺑﻴﺎ ﺻﺤﺒﺖ ﻫﺒﺔ ﻟﻴﻤﺪﺓ 15 ﺳﻨﺔ وهما صحبات ﻫﻲ ﻟﻲ ﻛﺎﻧﺖ ﻛﺘﻘﻮﻟﻲ ﻣﻌﻨﺪﻙ ﻣﺪﻳﺮ ﺑﻴﻬﺎ ﻭﻫﻲ ﺷﻲ ﺑﻨﺎﺕ ﺍﻟﺠﻴﺮﺍﻥ ﻭﻣﻨﻲ ﻣﺨﺪﺍﻭ ﻣﻨﻲ،ﻓﺎﺋﺪﺓ ﺩﺍﺯﻭ ﻻ‌ﻣﻲ ﻭﺧﻮﺍﺗﺘﻲ ﻋﻤﺮﻭ ﻟﻴﻬﻢ ﺭﺍﺳﻬﻢ ﻣﺰﻳﺎﻥ ﻭﻟﻼ‌ﺳﻒ ﺳﻤﻊوا ﻟﻴﻬﻢ وجاو عندي ﺧﻮﺍﺗﺘﻲ ﻛﻴﻘﻮﻟﻮ ﺷﻮﻑ ﺍﻟﻨﺎﺱ ﺷﻨﻮ ﻛﻴﻘﻮﻟﻮ ﻋﻠﻰ ﻫﺒﺔ ﺭﺍﻩ ﻋﻨﺪﻫﻢ ﺍﻟﺼﺢ ﻭﺍﻧﺎ ﻣﻨﻲ ﺍﻥ ﺗﺼﻞ ﺑﻲ ﻫﺒﺔ ﻛﺘﻘﻮﻟﻲ،ﺭﺍﻩ ﺟﻴﺮﺍﻥ ﻛﻴﻘﻮﻟﻮ ﻟﻤﺎﻣﺎ ﺍﻧﻚ ﻣﻤﺰﻳﻨﺶ ﻭﻛﺘﻔﺴﺪ.... ﺑﻘﻴﻨﺎ ﻫﻜﺬﺍ ﻭﺍﺧﺘﻲ ﻻ‌ ﻛﺎﻧﺖ ﺻﺤﺒﺖ ﻫﺒﺔ ﻫﻲ ﺍﻻ‌ﻭﻟﻰ ﻟﻲ ﻗﺎﻟﺖ ﻟﻲ ﻣﻌﻨﺪﻙ ﻣﺪﻳﺮ ﺑﻴﻬﺎ ﺻﺎﻓﻲ ﺑﻘﻴﺖ،ﻓﻲ،ﺩﻳﻚ ﺍﻟﻬﻀﺮﺓ ﻟﻤﺪﺓ ﺷﻬﺮ ﻭﺍﻧﺎ ﻭﻫﺒﺔ فوسط سرعات ﻋﻠﻰ ﺍﺳﺎﺱ ﺍﻟﺸﻬﺮ ﻟﻲ ﺩﺍﺧﻞ ﻧﺪﻭ ﺍﻟﺨﻄﺒﺔ ﺍﻧﺎ ﻋﻄﻴﺖ ﺍﻻ‌ﺧﺖ ﺩﻳﺎﻟﻲ ﺍﻟﻔﻠﻮﺱ ﻗﻠﺖ ﻟﻴﻬﺎ ﺗﻘﺪﺍﻭ ﺩﺍﻛﺸﻲ،ﻟﻲ ﺧﺎﺻﻜﻢ ﻟﻜﻦ ﻫﻤﺎ ﻛﺎﻥ ﻓﻲ،ﺑﺎﻟﻬﻢ ﺷﻴﺤﺎﺟﺔ ﺍﺧﺮﻯ ﺻﺎﻓﻲ ﺣﺘﻰ ﺍﻟﻮﺍﺣﺪ ﺍﻟﻨﻬﺎﺭ ﺗﺼﻼ‌ﺕ ﺑﻴﺎ ﻫﺒﺔ ﻭﺍﻧﺎ ﻛﻨﺖ ﻓﻲ ﺍﻟﺨﺪﻣﺔ ﻭﺟﻮﺑﺘﻬﺎ ﺍﻧﺎ..ﺳﻼ‌ﻡ ﻋﻤﺮﻱ ﻟﺒﺎﺱ ﻋﻠﻴﻚ ﻫﺒﺔ.. ﻻ‌ ﺍﻣﺤﻤﺪ ﺗﺼﻼ‌ﺕ ﺑﻲ ﺍﻻ‌ﻡ ﺩﻳﺎﻟﻚ ﻭﻗﺎﻟﺖ ﻟﻲ ديك ﺍﻟﺨﻄﺒﺔ ﻣﺒﻘﺎﺵ ﻣﻦ ﻫا والو حيت ولدي كيبغي بنت خرى وميقدرش يتزوج بيك ﺍﻧﺎ.. ﻭﻫﻨﺎ ﻛﺎﻧﺖ ﺻﺪﻣﺘﻲ ﻻ‌ﻧﻬﻢ ﻣﻘﺎﻟﻮ ﻟﻲ ﻭﺍﻟﻮ ﻭﺣﺘﻰ ﺑﺎ ﻣﻔﺨﺒﺎﺭﻭﺵ ﻭﻫﻤﺎ ﻣﻌﺮﻓﻨﻴﺶ ﻛﻨﻬﻀﺮ ﺍﻧﺎ ﻭﻳﻬﺎ ﺻﺎﻓﻲ ﺳﻜﺖ ﻗﻠﺖ ﻟﻴﻬﺎ ..ﺣﺒﻴﺒﺘﻲ ﻏﻴﺮ ﺻﺒﺮﻱ ﻭ ﻣﺘﻘﻮﻟﻲ ﻟﺪﺍﺭﻛﻢ ﻭﺍﻟﻮ أنا غادي نهضر معاهم ولكن هي و خواتاتي مطورات بزاف

مشاو عند مامات ﻫﺒﺔ ﻛﺎﻧﺖ ﺧﺎﺭﺝة من دار ﺗﻠﻘﺎﺕ ﻟﻴﻬﺎ ﺑﻨﺖ ﺍﺧﺘﻲ ﻗﺎﺕ ﻟﻴﻬﺎ ﺍﻟﻤﻴﻤﺔ ﺑﻐﺎﺗﻚ ﺻﺎﻓﻲ ﺩﺧﻠﺖ ﺍﻟﻤﺮﺓ ﻭﻗﺎﻟﺖ ﻟﻴﻬﺎ ﺍﻣﻲ ﻭﻟﺪﻱ ﻛﻴﺒﻐﻲ ﻭﺣﺪﺓ ﺍﺧﺮﻯ ﻭﺍﺑﻨﺘﻚ ﺍﻟﻠﻪ ﻳﺴﻬﻞ ﻋﻠﻴﻬﺎ
ﺍﻧﺎ ﻫﺪﺷﻲ ﻋﺎﻭﺩﺗﻮ ﻟﻲ ﻫﺒﺔ ﺍﻣﺎ ﺍﻧﺎ ﻣﻨﻲ ﺟﻴﺖ ﺍﻟﺪﺍﺭ ﻭ ﺍﻟﻠﻪ ﻣقالو لﻲ والو ﺑﻐﻴﺘﻬﻢ ﻏﻴﺮ ﻳﻘﻮﻟﻮ ﺷﻲ ﺣﺎﺟﺔ ﻭﺍﻟﻮ ﻭﺣﺘﻰ ﺑﺎ ﻣﻔﺨﺒﺎﺭﻭﺵ ﺣﻴﺎﺗﻲ ﺩﻣﺮﺕ ﻭﻫﺒﺔ ﺍﻛﺜﺮ ﻭﺍﻟﻠﻪ ﺍﻟﻌﻈﻴﻢ ﺑﻜﻴﺖ ﻣﻜﺮﻫﺘﺶ ﻧﺘﺎﺣﺮ ﻓﺎﺗﺖ ﻣﺪﺓ ﻋﺎﺩ ﻗﺎﻟﺖ ﻟﻲ ﺍﻣﻲ ﺭﺍﻩ ﺍﻟﺨﻄﺒﺔ ﻣﺒﻘﺎﺵ ﻣﻨﻬﺎ ﺩﻳﻚ ﺳﺎﻋﺔ ﻗﻠﺖ ﻟﻴﻬﻢ ﻋﻼ‌ﺵ ﻗﺎﻟﻮ ﺍﻟﺒﻨﺖ ﻣﺒﻘﺎﺗﺶ،ﺑﻐﺎﺗﻚ ﻫﻨﺎ ﻗﻠﺒﻲ ﻭﻗﻒ ﻭﻟﻴﺖ ﺣﻴﺮ وقلت ﻧﺴﻴﺴﻬﻢ ﺣﺘﻰ ﻳﺘﺮﺍﺟﻌﻮ بدينا ﻛﻨﻬﻀﺮﻭ ﺍﻧﺎ ﻭﻫﺒﺔ ﻋﻠﻰ ﺍﺳﺲ ﺍﻥ ﺩﺍﺭﻧﺎ ﻳﺘﺮﺍﺟﻌﻮ ﺑﻘﻴﻨﺎ 3 ﺍﺷﻬﺮ ﺗﻨﻬﻀﺮﻭ ﺻﺎﻓﻲ بابات هبة منين عرف أش قالو ناس فبنتوا قرر يبدل السكن ﻭﺩﺍﻛﺸﻲ ﻟﻲ ﻛﺎﻥ ﺗﺤﻮﻻ‌ﺕ ﻫﺒﺔ ﻣﻦ ﺣﺪﻧﺎ ﻭﻟﻴﺖ ﻛﻨﺘﺼﻞ ﻣﺘﺘﺠﺎﻭﺑﻨﻴﺶ ﺣﺘﻰ ﺍﻟﻮﺍﺣﺪ ﺍﻟﻨﻬﺎﺭ ﺟﻮﺑﺎﺗﻨﻲ ﻭ ﻗﺎﻟﺖ ﻟﻲ.. ﻫﺒﺔ.. ﻣﺤﻤﺪ ﺍﻧﺎ ﻭﻳﺎﻙ ﻭﺻﻠنا لطريق ﻣﺴﺪﻭﺩ ﺩﻳﺮ ﺩﺍﻛﺸﻲ،ﻟﻲ ﺑﻐﻮ ﺩﺍﺭﻛﻢ ﻭ ﺍﻟﻠﻪ ﻳﺨﻠﺼﻬﻢ ﻋﻠﻰ ﻫﺪﺷﻲ،ﻟﻲ ﺩﺍﺭﻭ ﻓﻴﺎ ﺍﻧﺎ وياك أﻧﺎ.. ﻛﻴﻔﺎﺵ ﺍﻫﺒﺔ ﺷﻨﻮ ﺗﺘﻘﺼﺪﻱ ﺑﻐﻴﺘﻲ ﺗخلي ﻋﻠﻴﺎ ﺍﻧﺎ ﻋﻤﺮﻱ ﻣﺒﻐﻴﺖ ﺷﻲ ﺑﻨﺖ ﺣﺘﻰ ﺑﻐﻴﺘﻚ ﺍﻧﺖي ﻭﺍﻧﺎ ﻛﻨﻮﺍﻋﺪﻙ ﺍﻟﻰ ﻣﺘﺰﻭﺟﺘﺶ،ﺑﻴﻚ ﻋﻤﺮ شي بنت فبلاصتك ﻫﺒﺔ ﻗﻄﺎﻋﺎﺕ ﻭﻛﺎﻧﺖ ﻫﺪﻳﻚ ﺍﺧﺮ ﻣﺮﺓ ﻛﻨﺴﻤﻊ ﺻﻮﺗﻬﺎ ﻛﻨﺖ كل نهار كنتصل و كنقلب على دار دالهم ولكن هي بدلات النمرة ﻋﻤﺮﻱ،ﻣﺒﻜﻴﺖ ﻋﻠﻰ ﺷﻲ،ﺑﻨﺖ ﺑﻜﻴﺖ ﻋﻠﻰ ﻫﺒﺔ ﻭﻣﺒﻘﻴﺘﺶ ﻛﻨﺒﺎﺕ ﻓﻲ ﺍﻟﺪﺍﺭ ﻭﺭﺟﻌﺖ ﻣﺤﻤﺪ ﻟﻲ ﻛﺎﻥ ﺭﺟﻌﺖ ﺍﻟﺸﺮﺍﺏ ﺑﺎﺵ ﻧﺴﺎ ﺍﻟﻬﻢ ﻟﻜﻦ ﻋﻤﺮ ﺻﻮﺭﺗﻬﺎ ﻣﻔﺮﻗﺘﻨﻲ ﻭﺩﺭﻧﺎ ﻣﺒﻘﻴﺘﺶ ﻛﻨﺘﻜﻠﻢ معاهﻢ ﺑﺎﻟﺨﺼﻮﺹ ﺍﻣﻲ ﻭ ﻣﺮﻳﻢ ﻭ ﺍﻣﻴﻨﺔ ﺑﻘﻴﺖ ﻛﻨﺘﻌﺪﺏ ﻭﺍﻧﺎ ﻣﺰﺍﻝ ﻛﻨﺘﻌﺪﺏ ﻭﺍﺣﺪ ﻧﻬﺎ ﺭ ﺗﺤﺮﻗﺖ ﻣﺮﻳﻢ ﻭﺍﻣﻲ ﺷﺪﻫﺎ ﻛﺮﻳﺰ ﺩﻳﺎﻝ ﺍﻟﻘﻠﺐ ﻭﺍﻧﺎ قلت ﻟﻴﻬﻢ ﻫﺪﻭﻙ ﺩﻋﻮﺍﺕ هبﺔ لي حرمتني منها ﻭ قالتي مي كيفاش وقلت ليها كلشي داك شي لي كان بيني وبين هبة ودزت شهور وشهور وأنا غير بين الخمر و الكارو وسهير حتى الصباح ومنين بغيت نضمر كتر وسلني الخبر بلي هبة تزواجات وهي دبا ملك..


الشخص أخور ﻟﻲ وخا بغاها عمر يقدر يبغيها كيما بغيتها أنا بغيتها كتر من حياتي و كنت مستعد نعطي حياتي على قبلها ولكن مي وخواتاتي حرموني منها عمر فحياتي منسمح ليهم ...
المهم منين عرفت بلي هي تزوجات زادت حياتي تأزمات وليت غير البار وسهرات وليت كندخل الدار وأنا كنوغت و صحاب دار كلهم عرفو بلي أنا كنشرب و نكمي و نسهر و وعياو فيا صحاب دار نتزوج ولكن أنا شديت موس و قلت ليهم نهار لي غادي تفكرو تزوجني فيه غادي تجبرو غير الجثة ديالي ودربت يدي بالموس وعائلتي بقاو مصدومين فيا و ندموا بزاف ولكن بلا فائدة الوقت ما كيجيش كيدوز .... المهم أنا ولا الهم الديالي هو الموت ولا عدابي على قبل هبة وليت غير الكأس و الكارو وجهي كحال ضعفيت وليت بحال شي جثة هامدة وكتسنا فقاش تدفن وكلشي بسباب عائلتي وكلام ناس ... ومن بعد 4سنين ديال العداب اليوم منين راني نكتب ليكم قصتي فصباح شفت هبة باقا كيمة هي زوينة و غزالة و الفلار زايد ليها زين و كانت هي ولدها الصغير لي كنت كنتما يكون ولدي أنا وياها ونكدبش عليكم منين شفتها نار شعلات فقلبي وحسيت بدموع كينزلو من عني حيت تحرمت من أحسن حاجة فحياتي .... أنا دبا قررت نجمع حوايجي ونسافر فمرة نسافر فين ما كان غير اانا والكأس ودكريات هبة حبيبتي لي حرموني منها نسافر ومنرجعش حتى يرجعو غير الجثة ديالي .... نصيحة أخيرة قبل ما نختم القصة ديالي بغيت كل واحد حب شي بنت يخطبها وما يخليهاش بعيدة عليه حيت ممكن كلام ناس يغير حياتك كلها ... " ويارب كل واحد تقدم ليه داك شي لي كيتمناه فحياتوا " نتمنى قصتي تكون عبرة و تجربة تقراوها باش ما تحرموش من أعز ناس على قلبكم وسلام عليكم ورحمة الله .....

النهاية

26 августа 2022 г. 19:33 0 Отчет Добавить 0

Прокомментируйте

Отправить!
Нет комментариев. Будьте первым!
~